తమిళ న‌టుడు శివకార్తికేయన్ హీరోగా న‌టించిన డాక్టర్ చిత్రం తెలుగులో వరుణ్ డాక్ట‌ర్‌గా ప్రేక్షకుల ముంద‌కు వ‌స్తుంది. నెల్సన్ దిలీప్ కుమార్ ద‌ర్శ‌క‌త్వంలో రూపొందిన ఈ చిత్రంలో ప్రియాంకా అరుల్‌ మోహ‌న‌న్ హీరోయిన్‌గా న‌టించారు. ఈ సినిమా ప్రీ రిలీజ్ ఈవెంట్ వేడుక హైదరాబాద్లో జ‌రిగింది.
హీరో శివ కార్తికేయన్‌ మాట్లాడుతూ ‘థియేటర్లలో ప్రేక్షకుల ఈలలు, చప్పట్లు నాకు మోటివేషన్‌. రెండేళ్లుగా వాటిని మిస్‌ అవుతున్నా. ఇక్కడ హైదరాబాద్లో, ప్రీ రిలీజ్ ఈవెంట్‌లో మీ చప్పట్లు, ఈలలు వింటుంటే చాలా సంతోషంగా ఉంది. అక్టోబర్‌ 9న ’డాక్టర్’తో థియేటర్లలోకి వస్తున్నాను. ’వరుణ్ డాక్టర్’ ట్రైలర్‌కు మంచి స్పందన లభించింది. తెలుగు ఇండస్ట్రీలో ప్రముఖులు మా ప్రీ రిలీజ్ ఈవెంట్‌కు రావడం సంతోషంగా ఉంది. సుధాకర్‌ రెడ్డిగారికి థాంక్స్‌. ట్రైలర్‌ విడుదల చేసిన హీరో నితి¯Œ కు స్పెషల్‌ థాంక్స్‌. ఇక్కడికి విచ్చేసిన ’ఠాగూరు’ మధుగారికి థాంక్స్‌. సునీల్‌ గారితో నాకు ప్రత్యేక అనుబంధం ఉంది. త్వరలో అదేంటో వెల్లడిస్తాం. ’వరుణ్ డాక్టర్’ సినిమాలో డాక్టర్ వరుణ్ పాత్రలో నటించాను. నాకు ఈ క్యారెక్టర్‌ చాలా కొత్త. ’రెమో’ చూశారు కదా! అందులో నేను నర్స్‌. ఇందులో డాక్టర్. ’రెమో’లో ప్రేమించడం తప్ప నర్స్‌ ఏమీ చేయలేదు. ఈ సినిమాలో డాక్టర్ డిఫరెంట్‌ ఆపరేష¯Œ ్స చేశాడు. ఇందులో నటించినప్పుడు, సినిమా చూసినప్పుడు కొత్తగా అనిపించింది. సినిమా చూసినప్పుడు ఆడియ¯Œ ్స కూడా అంతే ఎగ్జైట్మెంట్‌ ఫీలవుతారని ఆశిస్తున్నాను. తెలుగులో భారీ ఎత్తున సినిమా విడుదల చేస్తున్న గంగ ఎంటర్టైన్మెంట్స్‌ అధినేత మహేశ్వర్‌ రెడ్డిగారికి థాంక్స్‌. మ్యూజిక్‌ డైరెక్టర్‌ అనిరుధ్‌ ఇక్కడికి రావాలని అనుకున్నాడు. సినిమా పనుల్లో ఉండటం వలన రాలేకపోయాడు. ’నేను వస్తే సినిమా రాదు. సరేనా?’ అని అడిగాడు. ’వద్దు’ అని చెప్పా. అనిరుధ్‌ తరఫున ప్రేక్షకులకు థాంక్స్‌. కంటెంట్‌ బావుంటే ప్రేక్షకులు ఆదరిస్తారు. సినిమాకు ఎల్లలు లేవు. ఈ సినిమా తెలుగు ప్రేక్షకులకు తప్పకుండా నచ్చుతుంది. అందరూ థియేటర్లకు వెళ్లి చూడండి. మాస్క్‌ ధరించి, శానిటైజర్‌ రాసుకుని… సేఫ్‌గా సినిమా చూడండి. ఎంజాయ్‌ చేయండి‘ అని అన్నారు.
దర్శకుడు నెల్సన్ దిలీప్ కుమార్ మాట్లాడుతూ –‘‘సినిమాలో చాలా ఎంటర్టైన్మెంట్, ఫన్‌ ఉంది. వెరీ ఎంగేజింగ్‌ ఫిల్మ్‌. ఈ నెల 9న థియేటర్లలో చూడండి. ట్రైలర్‌ అదిరింది. అందరికీ థాంక్స్‌. మా డాక్టర్ మంచోడా? చెడ్డోడా? వంటి ప్రశ్నలకు 9న థియేటర్లలో ఆన్సర్‌ లభిస్తుంది. సినిమా చూడండి. విజయ్‌ హీరోగా చేస్తున్న ’బీస్ట్‌’ గురించి ’డాక్టర్’ విడుదల తర్వాత మాట్లాడతా‘ అని అన్నారు. గంగ ఎంటర్టైన్మెంట్స్‌ అధినేత మహేశ్వర్‌ రెడ్డి, హీరోయిన్‌ ప్రియాంకా అరుల్‌ మోహన్‌ మాట్లాడారు.
