Nagarjuna: నాగార్జున డబుల్‌ మల్టీస్టారర్స్‌

నాగార్జున (Nagarjuna) హీరోగా నటించిన ‘ది ఘోస్ట్‌’ ఆడియన్స్‌ను తీవ్రం, అక్కినేని ఫ్యాన్స్‌ను ఇంకా ఎక్కువ తీవ్రంగా నిరాశపరిచింది. దీంతో కథల ఎంపికకు కాస్త బ్రేక్‌ తీసుకున్నారు నాగార్జున. స్క్రిప్ట్‌లో పస లేనిదే గ్రీన్‌సిగ్నల్‌ ఇవ్వకూడదని నిర్ణయించుకున్నట్లున్నారు. అయితే ఫైనల్‌గా నాగార్జునకు ఓ మల్టీస్టారర్‌ స్క్రిప్ట్‌ నచ్చిందట.‘నేను లోకల్‌’, «‘ధమాకా’ వంటి సినిమాలకు రైటర్‌గా పనిచేసిన బెజవాడ ప్రసన్నకుమార్‌ దర్శకుడిగా పరిచయం కానున్నారట.1980 పీరియాడికల్‌ బ్యాక్‌డ్రాప్‌లో సాగే ఈ కథను శ్రీనివాస చిట్టూరి నిర్మించ నున్నారనిఫిల్మ్‌నగర్‌ భోగట్టా.

అంతేకాదండోయ్‌..ఈ కథ మల్టీస్టారర్‌ ఫిల్మ్‌ అని, ఇందులో ‘అల్లరి’ నరేశ్‌ ఓ కీ రోల్‌ చేయనున్నారని టాలీవుడ్‌ టాక్‌.‘బంగార్రాజు’ సక్సెస్‌మీట్‌ సమయంలో తాను అఖిల్‌ కలిసి ఓ మల్టీస్టారర్‌ సినిమా చేయనున్నట్లుగా ప్రక టించారు నాగార్జున. ఈ సినిమాకు దర్శకుడిగా మోహన్‌రాజా పేరు తెరపైకి వచ్చింది. అయితే ముందుగా బెజవాడ ప్రసన్నకుమార్‌ మూవీని సెట్స్‌పైకి తీసుకుని వెళ్లి, ఈ సినిమా షూటింగ్‌ అంతా ఓ కొలిక్కి వచ్చిన తర్వాతే అఖిల్‌తో మల్టీస్టారర్‌ ఫిల్మ్‌ను స్టార్ట్‌ చేయాలని నాగార్జున భావిస్తున్నట్లుగా తెలుస్తుంది.