మళ్లీ మొదలు

హీరో నాగశౌర్య, డైరెక్టర్‌ అనీష్‌కృష్ణ కాంబినేషన్‌లో ఐరా క్రియేషన్స్‌ పతాకంపై ఓ రూపొందుతున్న రొమాంటిక్‌ ఎంటర్‌టైనర్‌ మూవీ చిత్రీకరణ తిరిగి మంగళవారం హైదరాబాద్‌లో ప్రారంభమైంది. హీరో నాగశౌర్య, హీరోయిన్‌ షిర్లే సేతియాలతో పాటు ఈ సినిమాలోని ప్రధాన తారాగణంపై కీలక సన్నివేశాలను చిత్రీకరిస్తున్నారు.శంకర్‌ ప్రసాద్‌ ముల్పూరి సమర్పణలో ఉషా ముల్పూరి నిర్మిస్తున్న ఈ ఫ్యామిలీ ఎంటర్‌టైనర్‌ మూవీ టైటిల్‌ త్వరలోనే ఖరారు కానుంది. ఈ చిత్రంలో సీనియర్‌ యాక్టర్‌ రాధిక, ‘వెన్నెల’ కిశోర్, రాహుల్‌ రామకృష్ణ, సత్య కీలక పాత్రధారులు. మహతి స్వరసాగర్‌ సంగీతం అందిస్తున్న ఈ చిత్రానికి సాయి శ్రీరామ్‌ ఛాయగ్రాహకులు.