సిద్ధు జొన్నలగడ్డ, నేహాశెట్టి జంట‌గా న‌టించిన ‘డిజె టిల్లు` సినిమా విడుదల తేదీని ప్ర‌క‌టించారు. ఈ సినిమా ట్రైల‌ర్‌ను ఫిబ్రవరి 2న విడుదల చేసి చిత్రాన్ని ఈ నెల 11న విడుదల చేయ‌నున్న‌ట్లు ప్ర‌క‌టించారు. విమల్ కృష్ణ ద‌ర్శ‌క‌త్వం వ‌హించిన ఈ సినిమాకు సూర్య‌దేవ‌ర‌నాగ‌వంశీ నిర్మాత. ఫిబ్రవరి 2(బుధ‌వారం) హైద‌రాబాద్‌లో జ‌రిగిన ఈ సినిమా ట్రైలర్ లాంచ్ ఈవెంట్‌లో
‘సితార ఎంట‌ర్‌టైన్‌మెంట్స్‌‘ అధినేత సూర్యదేవర నాగవంశీ మాట్లాడుతూ “ఈ ఏడాది మా సంస్థ నుంచి మూడు చిన్న సినిమాలు వస్తాయి. మధ్యలో పెద్ద సినిమా ‘భీమ్లా నాయక్’ కూడా ఉంది. ఫిబ్రవరి 25 లేదా ఏప్రిల్ 1న ఆ సినిమా విడుదల చేస్తాం/ ‘డిజె టిల్లు’ యూత్ సినిమా. ‘భీమ్లా నాయక్’ మాసివ్ సినిమా. ‘డిజె టిల్లు’ ఫిబ్రవరి 11న విడుదల చేస్తాం. నాకు బాగా నచ్చిన కథ డిజె టిల్లు. కథ నచ్చడంతో కాంప్రమైజ్ కాకుండా సినిమాను నిర్మించాం. దీని మీద మాకు చాలా నమ్మకం ఉంది. గ్యారెంటీ గా విజయం సాధిస్తుంది అన్నారు.
సిద్ధు జొన్నలగడ్డ మాట్లాడుతూ “విమల్ కృష్ణ, నేను డిస్కస్ చేసుకుని కథ, స్క్రీన్ ప్లే రాశాం. డైలాగ్స్ నేను రాశా. నేను జీవితంలో చూసిన సందర్భాలు, మనుషులు, నా స్వభావాలు కొన్ని కలిపి ఈ క్యారెక్టర్ రాసుకున్నాము. డిజె టిల్లు పాత్రకు హద్దులు ఉండదు, ఏదైనా మాట్లాడుతాడు. ఏ సందర్భానైన్నా ఎదుర్కొంటాడు. త్రివిక్రమ్ గారు స్క్రిపు విషయంలో మంచి సలహాలు ఇచ్చి ప్రోత్సహించారు. నిర్మాత వంశి మాకు పూర్తిగా సపోర్ట్ చేశారు. ఈ సినిమా రాసేటప్పుడు మాకు అండగా నిలబడిన త్రివిక్రమ్ గారికి థాంక్స్ చెప్పాలి. కొన్నిసార్లు మా సినిమా పొటెన్షియల్ ఏంటో ఆయన మాకు గుర్తు చేసేవారు. రచయితగా నా మీద ఆయన ప్రభావం ఉంది. జంధ్యాల గారి ప్రభావం కూడా ఉంది. డైలాగులతో కథను ముందుకు తీసుకువెళ్లే సినిమాలు నాకు ఇష్టం. స్పేస్ లేనిచోట ఎలా క్రియేట్ చేయాలో ఆయన్ను చూసి తెలుసుకున్నాను. త్రివిక్రమ్ గారితో టైం స్పెండ్ చేస్తే ఏమైనా చేయవచ్చనే ఫీలింగ్ వస్తుంది. ఒక ఫార్మాట్ ప్రకారం ప్లాన్ తో చేసిన సినిమా కాదు. మా నిర్మాత వంశీ గారు దేనికీ నో చెప్పరు. అప్పుడప్పుడూ మేం ఇంత ఖర్చు పెట్టొద్దని అన్నాం. కానీ, ఆయన ఎక్కడా తగ్గొద్దని చెప్పారు. కావాలంటే సీన్లు మళ్ళీ తీయమని చెప్పారు. నేను నెక్స్ట్ సినిమా కూడా సితారలో చేస్తున్నాను. దాని తర్వాత ఇంకో సినిమా కూడా చేస్తున్నాను. నాకు సితార హోమ్ బ్యానర్ లాంటిది. నేను, విమల్ ఫస్ట్ కొవిడ్‌లో రాసిన కథ. చాలా నేచురల్ ప్రాసెస్ లో రాశాం. 100 పర్సెంట్ కొడుతున్నాం. ఇది చాలా ఎంటర్టైనింగ్ ఫిలిం. థియేటర్లకు వెళ్లిన అందరూ కళ్లల్లో నీళ్లు వచ్చేలా నవ్వుతారు. ఈ సినిమాలో హీరోయిన్ క్యారెక్టర్ ఇంపార్టెంట్. ఈ సినిమా అమ్మాయి గురించి. ఆమె జీవితంలోకి డిజె టిల్లు లాంటి క్యారెక్టర్ వస్తే ఏం జరిగిందనేది సినిమా. యూత్ కు రిలేట్ అయ్యేలా సినిమా తీశాం” అని అన్నారు.
దర్శకుడు విమల్ కృష్ణ మాట్లాడుతూ “ఫస్ట్ లాక్‌డౌన్‌లో నేను, సిద్ధు కథ మీద కూర్చున్నప్పుడు… సినిమా బిగినింగ్ నుంచి ఎండింగ్ వరకు జనాల్ని నవ్వించాలనే మోటివ్ తో ఉన్నాం. టీజర్ చూశారు. ఇప్పుడు ట్రైలర్ చూశారు. ఇది అవుట్ అండ్ అవుట్ ఫన్ మూవీ. ఆడియన్స్ అందరూ ఎంజాయ్ చేస్తారు. నన్నూ సిద్దూని నమ్మారు నిర్మాత వంశి అన్న. రెండేళ్ల కిందట నేనూ సిద్ధూ ఈ కథ రాసుకున్నాం. సినిమా చూస్తున్నంత సేపూ ప్రేక్షకులు నవ్వుకోవాలి అనేది ఒక్కటే మా ఆలోచనలో ఉండేది. ఔట్ అండ్ ఔట్ ఎంటర్ టైనర్ సినిమా ఇది. అన్నారు.
హీరోయిన్ నేహా శెట్టి మాట్లాడుతూ – రాధిక క్యారెక్టర్ నేను చేయగలను అని నమ్మిన దర్శకుడు విమల్ కూడా థాంక్స్. సిద్ధు మల్టీటాలెంటెడ్ అన్నారు.
ఈ కార్య‌క్ర‌మంలో న‌టుడు ప్రిన్స్‌తో పాటు చిత్ర‌బృందం పాల్గొన్నారు
